المساعد الشخصي الرقمي

مشاهدة النسخة كاملة : الشاعر ميزر بن طواله - قصيدة كريم النفس رثاء بالشاعر الراحل نمش ذباح الشمري


سعد العذم
08-30-2014, 05:23 AM
الشاعر ميزر بن طواله - قصيدة كريم النفس رثاء بالشاعر الراحل نمش ذباح الشمري


يموت اللاش ويموت الوليده

وهذي سنة الله في عبيده

وانا مسلم لحكم الله راضي

ويرضونه سليمين العقيده

لاشك اللي يقولون النشاما

بماضي وقتنا والا جديده

على الطيب اليامات الحسايف

وكل(ن) يفقده لأنه وليده

وانا اللي فاقد(ن) بالوقت واحد

ولكن.! عندي يساوي بديده

(نمش) عز الخوي راع الشهامه

عنيد الرأس للروس العنيده

ومع الناس ومع الاصحاب وافي

كريم النفس وخصاله حميده

وشاعر يمتلك بصمه ويحسب

على الشعر وعلى الساحه فقيده

وانا مقصر وحتى لو رثيته

ماوفيت بمواقفه العديده

فقيد الشعر ماوفيه حقه

لو اكتب نادر الشعر وفريده

لأنه وافي وفيها سبقني

ومن طيبه رثا اخوي بقصيده

ولاتحسب على مثله غريبه

عساها له تسجل في رصيده

وبطلب ياعسى يغفر له اللي

بيده المغفره والامر بيده

ويالله طالبك تغفر ذنوبه

وتجعل نفسه بعفوك سعيده

عساه بجنتك يارب يامن

يدبر في عباده مايريده

شعر: ميزر بن طواله


المصدر

http://www.alraimedia.com/Articles.aspx?id=526260

طنيان
08-31-2014, 04:06 AM
الله يرحمه الشاعر نمش
وصح لسان الشاعر
والله يغفر لنا وللجميع