إضافة رد
 
أدوات الموضوع انواع عرض الموضوع
#1  
قديم 05-20-2014, 01:23 AM
عضو جديد
احمد الجنيدي غير متواجد حالياً
لوني المفضل Cadetblue
 رقم العضوية : 1448
 تاريخ التسجيل : May 2014
 فترة الأقامة : 2800 يوم
 أخر زيارة : 05-24-2014 (04:02 AM)
 المشاركات : 20 [ + ]
 التقييم : 10
بيانات اضافيه [ + ]
افتراضي قصه جربوع الشمري و الرشيدي



يقولون رواة السوالف: في ايام القحط والجفاف في الجزيره العربيه كان فيه رشيدي يرغب بالزواج ببنت عمه ولا عنده شيء . وعمه يريد ان يزوجها واحد ثري عنده مال لان ابن اخيه فقير. وقام انت يالعم نادى ابن اخيه وقال له يافلان انا ودي ازوج بنتي اذا كان احضرتلي عشر من البل وذلول فانا زوجتك واذا ماحضرتلي فاسمحلي ازوج بنتي قال الولد ابشر ياعمي .
اصبح الصباح وقام الولد واخذ بندقه وتوكل على الله ولايدري وين يروح الا ان امله في الله سبحانه وتعالى .
اخذله قرابة يومين لاأكل ولاشرب وتعب وجاء في هذا المفلى والا ان فيه ابل وراعيتها بنت واقبل عليها وسلم*

وقال لها :




يابنت يلـي تسمعيـن الكلامـي ..ماتصبحين اللي قطع بطنه الجوع*


قامت البنت وحلبت احدى النياق حتى ملت الطاسه :

وقالت :




هاك اللبن وانت عليك السلامي ..ان كان مالك عندنا غير مطموع*



شرب الولد من اللبن لين اكتفى وقال :




يابنت؟ يابنت الرجـال الكرامـي ..انتي من ايا الناس والجود متبوع*


قالت :




انا من اللي جمعهم مـا يضامـي ..ربعي مطوعت الاعادي لهم طوع*



قال :




ماذم ربعك؟ من رجال الكرامي ..لكن دليني على بيت شعشوع*



معناها يقول انا ماذم ربعك لكن دليني على بيت كريم .

قالت :

ا


نصا الفريق الى بهاك العدامي ..وانشد يدلونك على بيت جربوع*



جربوع ابوها .



مشى الرجال من عندها وراح ينشد وحتى وصل البيت وقلط عند ذاك الرجال ابو البنت جربوع وضيفه ابو البنت ومن بعد ماتعشوا شافت البنت الرجال ؟ وقامت البنت واستظهرت ابوها وقالت له يابوي هذا الرجال جاني اليوم في المفلا وقال كذا وكذا وروت جميع الابيات والظاهر انه يابوي محتاج واعطه والله يكرمك .
وقام انت ياجربوع وقال تعال ياولدي وش عندك علمني بامرك وقال والله ياطويل العمر ماعندي مشكله ولاشيء ولكن انا طلبت بنت عمي وقال عمي احضر لي عشر من البل وذلول وانا ماعندي شيء وقمت اترزق الله,,*
اصبح الصباح قام جربوع وقال له اختر واعزل عشر من البل وذلول واركب على احسن مطيه وروح لعمك اذا اخذها منك وزوجك ؟ تعال واخذ زوجتك واسكن جنبي هنا ، واذا زوجك وردها عليك فاسكن مع عمك .
قام الرشيدي واخذ البل وركب مثل ماوصاه جربوع الشمري وجا عند عمه وقال يالله ياعمي انا جبت طلبك .
قاله انت يالعم من وين جايبها انت غازي على عرب ؟ومن هم؟ والا من وين؟ علمني ؟
قال الرجال اعطانياها الله من كريم .
قام العم واستحى من ابن اخوه وزوجه بنته ورد البل عليه .
وقام الرشيدي يقصد ويمدح في جربوع ويثني عليه ويقول :




مانت بجربوع انت نمـر تنمـر ..نمر وظاهر من شيوخ انمـاره*

نمر ظهر بالطيب من روس شمر ..شمر اهل التكميل واهل الوقـاره*

شيخ اليا منـه طلـب ماتعـذر ..يعطي العطايا ماحسب للخسـاره*

راعي دلال وسط نـاره مزبـر ..يفرح بها اللي نازح من ديـاره*

اعطاني البل يوم عمـي تعسـر..عسى المطر دايم يسقي اديـاره


=___________

انشهد جعل المطر يسقي ديار الاجوادي


rwi [vf,u hgalvd , hgvad]d





رد مع اقتباس
قديم 05-20-2014, 06:45 PM   #2
عضو مميز


الصورة الرمزية ابو يوسف الاسلمي
ابو يوسف الاسلمي غير متواجد حالياً

بيانات اضافيه [ + ]
 رقم العضوية : 1397
 تاريخ التسجيل :  Dec 2013
 أخر زيارة : 07-22-2017 (10:33 PM)
 المشاركات : 341 [ + ]
 التقييم :  10
لوني المفضل : Cadetblue
سهم





والله ونعم بالكريم <> جربوع الشمري <>
ونعم في > بـنته <... اللي وصته على بيت أبوه لــ أنها متربيه بيت كرم وأصل ومنقع طيب وما قصر صاحبنا [ الرشيدي ] على مدحه بالقصيده .. ويستاهل .. ولاهي غريبه يوم تقول بنته :
انا مـن اللي جـمعهم مايضامي
ربعي مطوعت الاعادي لهم طوع
انصا الـفريق الي بهاك الـعدامي
وانـشد يـدلونك على بيت جـربوع
--------------------
ايا بـعـد روحـي ياجـربوع والله ونعمين مثـل ما قـال الـرشـيـدي :
أنـت نـمـر مـنت جـربـوع !!
بس هي ماهي على الأسم على الغريزه من ربك ولآ.. فيه اسماء مافيه احسن منه .. بس .. مايسقيك نقطة ماء ولا يعطيك كسرة خبز من والله الشح والكبر،، وربك بخيص بالعفن سبحانه !!!!!
يعطيك العافيه اخوي <> احمد الجنيدي <>
على هذه القصه اللي تنومس وترفع الرأس !!
ودمتَ أخي أنت كذلك مرفوع الرأس ،


 
 توقيع : ابو يوسف الاسلمي

راعي الجمل وده يطيح ،،، واللي على متنه رماه
ياعيال أنا مالي نطيح ،،، مليت من تال الحياة
من اقوال بطل الجزيره العربيه
الوحيد ( اخو رثعه <=> الجنازه ) رحمه الله


رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 09:29 PM.

 

Powered by vBulletin® Version 3.8.12 by vBS
Copyright ©2000 - 2022, vBulletin Solutions Inc.
HêĽм √ 3.1 BY: ! ωαнαм ! © 2010
جميع المشاركات المكتوبة تعبّر عن وجهة نظر صاحبها ... ولا تعبّر بأي شكل من الأشكال عن وجهة نظر شبكة مجالس شمر الكويت ولا نتحمل أي مسؤولية قانونية حيال ذلك www.shmrq8.com

Security team

zyad sqraooy