ســـلام يا نسـل الرجال العـزيـزيـن
اللي لهـم بـ الطيـب سـيـره وطـاري
اللـي بشوفه يفــرح القلـب والعـين
الـنـافـل الـلـي للجـميـلات ضـاري
أبـو ســعود لياغــدى الـدرب دربين
يهـوي كـما حـرن يشـوف الحباري
شيخن ولد شيخن ونسل لـ كريمين
الطـيب بـه ورثـه ومـاهـو اختيـاري
يـفــزع ولا يـقـول لـك ويــن ومـنـين
ســدٍ مـنـيـع بـوجـه كــل الضـواري
لا شـانـت الدنيا وصار الزمن شين
يقـدم على الـمـوت الحمر مايداري
يستـاهـل كحيـلان سقـم المعاديـن
سلطـان ياللـي بطـيـبـه الكل داري
خـذا المـراجـل كـاش ماجـابها ديـن
فزعـاتـه وطـيـبـه مـــع الـدم ســاري
إليـا أنـذكـر كـلـن يقـول إلـه نعمـين
ذرب الـيمـين اللـي بطـيـبـه نمـاري
أبـو سعـود اللـي ليـا حــدّك الـبــين
يمـشي مـعـك ولا يـبـي لـه مـبـاري
مـن جـاه عـانـي مايقول إله بعدين
بـه مـن مـواري الحـر كـل الـمـواري
يقضـي اللـزوم ويجعـل الكايد يلين
ويـســد بـالـلازم ويـمشـي جـهـاري
وسلام يا سلطـان نسل السـلاطيـن
إعـداد مـارفــرف عـلــم بـ الـسـواري
rwd]m lk f]v khwv hgohg]d Hi]hx ggkhzf sg'hk hggydwl