1-طلبت الله رَبي في خشوعي وحزة الآذان/ ودعيتَه بسجدتي كِلمه ودايم هي أرددها.
2-يارب( ادعوك تًفرِجها) وتذهب ظُلمة الأحزان/ وتنهي قصةٍ طالت علينا في مشاهِدها.
3-قظينا عمرنا نرجي حلولٍ ترضي الوجدان/ وعودٍ ننتظر منها الحلول ولانشاهدها.
4-صبرنا وْربي يِفرجها علينا خالق الأكوان/ويحل أسرارها لوزاد طُلسُمها وتَعَڤِدها.
5-صبرنا سنين شوفونا ملامح مالنا عنوان/(بدون)!!... ونستحي ياكويت نخجل مانرَددها .
6-صبرنا والصَبُرمِن كثر مانَصبر وُڤَف خجلان/تألم مِنَنا اوَڤَف ورانا مايرَددها.
7- فَنَت أجيال بأثر اجيال وفقدْنا الاهل والشيبان/ وراحة زينة الدنيا ومازِلنا نِجاهدها.
8- ومازِلنا نكابد هالحياة وذِلها وننهان/ بدارٍ منهج الإسلام يُذْكَر في مساجدها.
9- نخيتك ياسميْ النور في وجه الفجر لاَبان/صباح الخير يامير الشهامَه وإنت سيدها.
10- وِحنا عيالك بْظِلَك وْحِلها إنت ياكحيلان/ تري غيرك يقول الكلمه ومايقدر.. يفنِدها!.
محيسن المحيسن الشمري